ஆதவன்

இரவு பெய்த மழையில்
இன்பமுடன் நீராட மறந்து
எங்கு சென்றான் ஆதவன்...

அதிகாலை வேளையில் அனல்
தெறிக்கும் கதிர் விரித்து
எனைச் சுடவே வந்துவிட்டான்...

இரவு நீ வந்திருந்தால்
இன்பமாக கதிர்விரித்து
இச்சை தீருமட்டும் குளித்திடலாம்-அன்றி

மழை மீது கோபமென்றால்
அவனை சுட்டெறிக்க ஆண்மை
யுண்டோ அதைவிடுத்து

எனைவருத்தி காட்டுவதில்
இன்ப மென்ன கண்டுவிட்டாய்
என்னுடல் நீரை உறிஞ்சிடவே....

இக்கவிதை கவிஞர் கவின்மொழிவர்மன் அவர்களின் படைப்பாகும்.⁠⁠