சிகரம் டுவிட்டர் - 03

சமூக வலைத்தள உலகில் டுவிட்டர் தவிர்க்கமுடியாத இடத்தைப் பெற்றிருக்கிறது. டுவிட்டரில் சொல்லப்படும் கருத்துக்களுக்கு தனி மதிப்பு உண்டு. டுவிட்டரில் சொல்லப்பட்ட கருத்துக்களில் சிலவற்றைத் தேர்ந்தெடுத்து இங்கே வழங்கியுள்ளோம். வாங்க பார்க்கலாம்!

முட்டைக்குள்ள இருந்தாலும் சாப்பிடுறிங்க😞

முட்டையவிட்டு வெளிய வந்தாலும் சாப்பிடுறிங்க😟

நான் என்னதான் செய்வேன் என்பதுபோல பார்க்கும் கோழிக்குஞ்சு👌👌#இனிய_இரவாகட்டும் pic.twitter.com/oKbAy96iHw

— Srinivasan Rahul🏂 (@Srinivtwtz) May 16, 2018

துருவி துருவி கேட்காதீர்கள். தோண்டி தோண்டி பொய் சொல்ல வேண்டி இருக்கிறது. :)

— சித்ரா தேவி (@chithradevi_91) May 14, 2018

நமக்கு எது சுத்தமா வராதோ..

அதுதான் நம்மள சுத்தி சுத்தி வரும்..!!

— சிலந்தி™ (@nandhu_twitts) May 19, 2018

கடவுள் சோதிப்பது முதலில் பொறுமையைத்தான்.!

— ச ப் பா ணி (@manipmp) May 20, 2018

சப்பரம் - கரிசல் காட்டுச் சம்சாரியின் தேய்வாழ்வின் சிறு படம்https://t.co/TSBqd5ET8Z

நேரம் கிடைப்போர் வாசித்துக் கருத்து சொல்லுங்கள்.

— தட்டாங்கல் (@npgeetha) May 20, 2018

உறக்கம் என்பதை ஆள் மனதில் இருந்து கொண்டு வருவதே ஆரோக்கியத்தின் வேராக அமையும்.

செல்வங்கள் நிறைந்த நிலையில் ஆழ்ந்த உறக்கம் கிடைக்கப்பெறாதவர்கள் பாக்கியமில்லாதவார்களே.

முன்பெல்லாம் வீட்டினுள் பசுமையான தோட்டம் இருக்கும் அருகில் கயிற்றுக் கட்டிலில் படுத்து ஆழ்ந்து உறங்கியது வரமே. pic.twitter.com/dKDA8dt2Wm

— அழகு நிலா (@Nilaswee) May 20, 2018

ப.பி.

ஒரு பையன் ஒரு செய்யுள் படிச்சிட்டு இருந்தான். யார் எழுதியது ன்னு கேட்டா, *மாநிக் கவாஸ்கர்* ன்னான்.

குழம்பிப்போய் புத்தகத்தை வாங்கிப் பார்த்தால்..

அது

*மாணிக்க வாசகர்*

பசங்க கிட்ட படிச்சுட்டியா னு கேட்டா பிரிச்சு மேய்ஞ்சுட்டோம் னு சொல்றாங்களே, அது இது தானோ!🙃

— Janakiraman.agm (@Jankiramanagm) May 21, 2018

சில ஜென்மங்களுக்கு மத்தியில்,

மறு ஜென்மம் ஒன்று வேண்டாம் என்றே தோன்றுகிறது..!!

— சிலந்தி™ (@nandhu_twitts) May 20, 2018

ஹோட்டல் உணவுகள் ருசிப்பதற்கு, அதை, மனைவி சமைக்கவில்லை என்பதும் ஒரு காரணம்.

— amudu (@amuduarattai) May 21, 2018

"உச்சநீதிமன்றத்தை மதிச்சாமாதிரி இருக்கணும்.ஆனா மதிக்கவே கூடாது."

" அதெப்படி"

"விடுதலைப் போராட்டத்தில் பங்கெடுத்தோமா"

"அந்தப் பக்கம்கூட போகலையே"

"ஆனா தேசபக்தி, தேசிய கீதம்,தேசியக்கொடின்னு நாம பேசறமே! அப்படி."

— kanagaraj (@cpmkanagaraj) May 18, 2018

@Srinivtwtz @chithradevi_91 @nandhu_twitts @manipmp @npgeetha @Nilaswee @Jankiramanagm @amuduarattai @cpmkanagaraj

#டுவிட்டர் #படித்ததில்பிடித்தது #SIGARAM #SIGARAMCO #TWITTER

#சிகரம்

#103/2018/SIGARAMCO

2018/06/03

சிகரம் டுவிட்டர் - 03 

http://sigaram.co/preview.php?n_id=329&code=YOSFqHhN 

பதிவு : சிகரம் 

#டுவிட்டர் #படித்ததில்பிடித்தது #SIGARAM #SIGARAMCO #TWITTER

#சிகரம்

சிகரம் டுவிட்டர் - 02

சமூக வலைத்தள உலகில் டுவிட்டர் தவிர்க்கமுடியாத இடத்தைப் பெற்றிருக்கிறது. டுவிட்டரில் சொல்லப்படும் கருத்துக்களுக்கு தனி மதிப்பு உண்டு. டுவிட்டரில் சொல்லப்பட்ட கருத்துக்களில் சிலவற்றைத் தேர்ந்தெடுத்து இங்கே வழங்கியுள்ளோம். வாங்க பார்க்கலாம்!

தாத்தா இருந்தவரை கதை சொன்னார்.தாத்தா இறந்தபிறகு தாத்தாவே கதையானார்

— ச ப் பா ணி (@manipmp) May 4, 2018

ஒன்பது முறை எழுந்திருக்க முயற்சி செய்தவனை பார்த்து படுக்கை சொன்னது..

இன்னும் அஞ்சு நிமிசம் தூங்கு என்று..!

— ச ப் பா ணி (@manipmp) May 4, 2018

மேகம் கறுக்காததால்

மனிதர்கள் கறுத்துவிடுகின்றனர்#கோடைவெயில்

— ச ப் பா ணி (@manipmp) May 4, 2018

ஊர், உலகமே சேர்ந்து துப்பினாலும்,

விற்பனையை நிறுத்துவதில்லை பற்பசை தயாரிப்பாளர்..!!

— சிலந்தி™ (@nandhu_twitts) April 26, 2018

முடி இல்லாதவர்க்கு

தலைக்கணம் இருப்பதில்லை!

— ச ப் பா ணி (@manipmp) May 4, 2018

ஸ்மார்ட் ஃபோன்..

மனிதர்களை

ஃபோட்டோகிராபராக்கியது..

விமர்சகராக்கியது..

போராளியாக்கியது..

பாடகராக்கியது..

மீண்டும் எப்போது

மனிதராக்கும்.

— புகழ் (@mekalapugazh) August 19, 2017

எல்லா மொழியிலும் "அ "தான் முதலாயிருக்கிறது..

ஆனால் ஒவ்வொரு மனிதனுக்கும் முதலாய் இருக்கும்

அம்மாவுக்கும் அப்பாவுக்கும் முதலெழுத்தாகத்

தமிழைத்தவிர வேறுமொழிகளில் "அ"அமைந்திருக்கிறதா..

— புகழ் (@mekalapugazh) May 4, 2018

கத்தி எடுத்தவனுக்கு

கத்தியால்தான் கண்ணீர்

"வெங்காயம்"!

— ச ப் பா ணி (@manipmp) May 12, 2018

உலகம் நம்மிடம் கேட்பது

"என்ன சாதித்தாய்"

உறவுகள் நம்மிடம் கேட்பது

"என்ன சம்பாதித்தாய்"!

— ச ப் பா ணி (@manipmp) May 13, 2018

உறங்கும் நேரத்தை பொறுத்து, இரவின் நீளம் அமைகிறது

— ச ப் பா ணி (@manipmp) May 14, 2018

வாகன ஓட்டுனர்களை, ‘சக்கரத்தாள்வார்’ என்றும் அழைக்கலாம்!

— N.K.Kannan (@NKKannan1) May 14, 2018

ஸ்மைல் ப்ளீஸ்

சொல்லாமலே

சிரிக்க வைக்கிறது

"செல்போன்"

— ச ப் பா ணி (@manipmp) May 15, 2018

உண்மையிலயே செத்துட்டானா என ஊர்ஜிதம் செய்யவே பலர் பிணத்தை உற்றுப்பார்க்கின்றனர்

— ச ப் பா ணி (@manipmp) May 16, 2018

ஏன் அப்பாக்கள் காதலை எதிர்க்கிறார்கள்?

படைப்பாளியின் படைப்பை திருடினால் கோபம் வரத்தானே செய்யும்.. pic.twitter.com/wrQdrmT8wj

— கனகசிங்கம்🦁 ҭђє ใī๏ก ҭєค๓ 🦁 (@Rkanagasingam) May 15, 2018

எப்படி இருக்கீங்க.? எனும் கேள்விக்கு மட்டும் எல்லோராலும் எளிதில் கூச்ச மில்லாமல் பொய் சொல்ல முடிகிறது.,!

— முகிலன்™ (@MJ_twets) May 16, 2018

@manipmp @nandhu_twitts @mekalapugazh @NKKannan1 @Rkanagasingam @MJ_twets 

#டுவிட்டர் #படித்ததில்பிடித்தது #SIGARAM #SIGARAMCO #TWITTER 

#சிகரம்

#098/2018/SIGARAMCO
2018/06/01
சிகரம் டுவிட்டர் - 02 
https://www.sigaram.co/preview.php?n_id=324&code=L3P5jHD2 
பதிவு : சிகரம் 
#டுவிட்டர் #படித்ததில்பிடித்தது #SIGARAM #SIGARAMCO #TWITTER 
#சிகரம்

சிகரம் வலைப்பூங்கா - 02

வலைப்பதிவர் இரா. பூபாலன், ஒன்பது ஆண்டுகளாக வலைப்பதிவு எழுதி வருபவர். 'எனது கவிதைகள்' வலைக்கவிஞர். கொடைக்கானல் கோடை பண்பலையில் தனது கவிதைகளுடன் திரையிசைப் பாடல்களும் ஒலிபரப்பான 'கவிதையும் கானமும்' நிகழ்ச்சியை எழுத்து வடிவில் நமக்குப் படைத்தளித்திருக்கிறார். அவர் தனது 'நிழல் உலகம்' என்னும் கவிதையில் இப்படிக் கூறுகிறார். 

இளைப்பாறுதல்களும்

எல்லை மீறுதல்களும்

மலிந்து கிடக்கும்

இவ்வுலகில்

பொய் முகத்துடனும்

புனை பெயருடனும்

ஒரு வேளை

நீயுமிருக்கலாம்

என்ற எண்ணம்

வரும் போது மட்டும்

ஒரு கணம் நின்று - பின்

துடிக்கிறது இதயம்

இப்படியாக அவரது பல கவிதைகளை 'கவிதையும் கானமும்' பதிவில் எழுத்து வடிவில் மட்டுமல்லாது ஒலி வடிவிலும் கேட்டு மகிழலாம். 

ஒரு படைப்பை படைப்பாளனின் பக்கமிருந்து பார்ப்பதற்கும் வாசகனின் பக்கமிருந்து பார்ப்பதற்கும் நிறைய வித்தியாசங்கள் உள்ளன. வாசகனின் பார்வை பன்முகத்தன்மை கொண்டதாக இருக்கும். எழுத்தாளன் சிந்திக்காத கோணத்தையெல்லாம் வாசகன் சிந்தித்து அறிவான். எழுத்தாளன் ஒரு படைப்பை ஒரு தடவை தான் எழுதுகிறான். ஆனால் வாசகர்களோ காலத்துக்குக் காலம் மாறுபட்ட சிந்தனைத் தளங்களிலிருந்து சிந்திக்கிறார்கள். இப்படியான ஒரு மாறுபட்ட சிந்தனைக் களத்திலிருந்து 'பொன்னியின் செல்வன்' நாவலை அணுகியிருக்கிறார் அபிலாஷ் சந்திரன். 

அபிலாஷ் சந்திரன் கடந்த 2008 ஆம் ஆண்டு முதல் 'மின்னற் பொழுதே தூரம்' என்னும் வலைப்பதிவில் எழுதி வருகிறார். எழுத்தாளர் கல்கி நம்மால் நன்கு அறியப்பட்டவர். அவரது 'சிவகாமியின் சபதம்', 'பார்த்திபன் கனவு' என எத்தனை புதினங்கள் இருந்தாலும் 'பொன்னியின் செல்வன்' தான் கல்கியின் பிரதான அடையாளம். அந்த புதினத்தில் தன்னைக் கவர்ந்த ஓர் அத்தியாயத்தை திறம்பட அலசியிருக்கிறார் அபிலாஷ் சந்திரன். 'பொன்னியின் செல்வன் (1) - மதில் மேல் தலை' என்று மகுடமிட்டு 'பொன்னியின் செல்வனுக்கு' மகுடம் சூட்டியிருக்கிறார் அபிலாஷ் சந்திரன்!

'வாழ்க்கையில் சாதிப்பது அவசியம் தான், திருப்தியும் கூட!' என்று சொல்கிறார் 'கனவும் கமலாவும்...' வலைப்பதிவர் கமலா ஹரிஹரன். 2011 ஆம் ஆண்டு முதல் வலைப்பதிவு எழுதி வருகிறார். இயற்கை மனிதனுக்கு எத்தனையோ நல்ல விடயங்களைக் கொடுத்திருக்கிறது. ஆனால் மனிதன் இயற்கைக்கு அந்த நன்றிக்கடனைத் திரும்பிச் செலுத்த வேண்டும் என்று நினைத்ததே இல்லை. அந்த அவசியத்தை உணர்த்தி நிற்கிறது பதிவரின் சிறுகதை.

காக்கைக்கும் மனிதனுக்கும் விட்ட குறை தொட்ட குறையான ஒரு உறவு இருக்கிறது. குழந்தைக்குச் சோறு ஊட்டுவதில் இருந்து பூஜைப் படையல்களை முதலில் வைப்பது வரை ஏராளம் சொல்லலாம். அந்தக் காக்கையை வைத்து மனிதன் மறந்து போன கடமையை 'நன்றிக் கரையல்கள்' என்னும் தனது சிறுகதை மூலமாக வெளிப்படுத்தியிருக்கிறார் கமலா ஹரிஹரன்!

#094/2018/SIGARAMCO

2018/05/22

சிகரம் வலைப்பூங்கா - 02 

https://www.sigaram.co/preview.php?n_id=320&code=m3joRQGq

#sigaram #sigaramco #tamil #tamilblogs #reading 

#வாசிப்பு #தமிழ் #வலைப்பூங்கா 

#சிகரம்

சிகரம் டுவிட்டர் - 01

#தூளியிலிட்டுப்பாடி ஆட்டினால் குழந்தை தூங்கிவிடும் என்பது... ‘உத்தர’வாதம்! 

- N K Kannan @NKKannan1

#தனிமனிதனால் எதையும் சாதித்து விட முடியாது என்ற எண்ணம் காலங்காலமாக நம்மிடம் உள்ளது, ஆனால் இது முழுப் பொய். இன்று எல்லா சாதனைகளும் வளர்ச்சிகளும் ஏதோ ஒரு தனி மனிதனின் ஆசையும் போராட்டமும் தான்.

#முயன்றால்முடியும். 

- கௌரிசங்கர் @gowrisa28263028

#குறைகளை சுட்டி காட்டும் போது

வார்த்தைகள் சுடுவதில்லை.

ஆனால் குத்தி காட்டும்போதுதான்

மனமே காயங்களால் நிலை குலைந்து போய்விடுகிறது. 

- தேவதை - @SaranyaTwtzz

#கூகுளில் தேடுவதை விட சிரமமானது,

கூட்டத்தில் விட்ட நம் செருப்பை தேடுவது.! - சப்பாணி - @manipmp

#எப்போதுமே சந்தோஷமாக இருப்பது ஒரு கலை, ஆனால் அதை யாரிடமும் கற்றுக்கொள்ள முடியாது.! - முகிலன் - @MJ_twets

 

#"இது உங்களுக்கு புரியாது" என பேரகுழந்தைகள் தாத்தா/பாட்டியிடம் கூறுவதில் வளர்ந்திருக்கிறது அறிவியல்..!

#அறிவியல் #கால_மாற்றம் 

- பிளாக் லைட் - @BlackLightOfl

#வரதட்சணை வேண்டாமென்று கூறி பெண் பார்க்கச் சொல்லும் ஆண்கள் பலர் வந்துவிட்டனர். 👏

ஆனால், பண வசதி இல்லாத ஆண்களை மணமுடித்து வைக்க பெண் வீட்டார்கள் தயாராக இல்லை.. 😌😌 

- சக்திமான் - @mufthimohamed1

#நீ சுத்த ஏமாளி.

உன்னை அழகுபடுத்திக்கொள்ள

நீ விலை கொடுத்து வாங்கிய

எல்லாப் பொருட்களுமே

உன்னைக்கொண்டு

தங்களை

அழகுபடுத்திக்கொள்கின்றன!

#என்னவளே

- துணிந்தவன் - @cNatarajan4

#குறுக்கு வழிகள் அனைத்தையும் முயற்சி செய்து அதில் தோற்றபின் கடைசியில் நேர்மையான வழிக்கு வருவதே பலருக்கு வாடிக்கையாகிவிட்டது...

#உண்மை  

- ஆக்டோபஸ் - @ChutiyaN_TwittZ

#பெண்ணே!

நான்

பார்க்கும் போதெல்லாம்...

நீ...!

'கேள்விக் குறி'யாக

நிற்கும் வரை...

என் வாழ்க்கை

'ஆச்சிரியக் குறி'யாக

மாறப் போவதில்லை.... 

- கவிதைரசிகன் கவிதைகள் - @kavithairasiga 

#079/2018
2018/03/22
சிகரம் டுவிட்டர் - 01 
https://www.sigaram.co/preview.php?n_id=305&code=cpsjuH3h
பதிவு : சிகரம்
#சிகரம் #டுவிட்டர் #படித்ததில்பிடித்தது #SIGARAM #SIGARAMCO #TWITTER #சிகரம்  

#079/2018/SigarambharathiLK
2018/03/22
சிகரம் டுவிட்டர் - 01 
https://newsigaram.blogspot.com/2018/03/SIGARAM-TWITTER-01.html 
பதிவு : சிகரம்
#சிகரம் #டுவிட்டர் #படித்ததில்பிடித்தது #SIGARAM #SIGARAMCO #TWITTER #சிகரம் 

நம்மைச் சுற்றி - படித்ததில் பிடித்தது

உலகின் மிகப்பெரிய சுவர் என்பது சீனப் பெருஞ்சுவர் அல்ல,

அது நல்ல இரு நண்பர்களுக்குள் உருவாகும் இடைவெளிதான்.

உலகின் மிகப்பெரிய வைரம் கல்லினன் வைரம் என்கிறார்கள்,

உண்மையில் அது அவரவர் குழந்தைகள் தான்.

உலகின் மிகப்பெரும் பாலைவனம் சஹாரா அல்ல,

அது சிறிதும் சிந்திக்காத மனிதனின் மூளைதான்.

உலகத்தின் உயரமான சிகரம் எவரெஸட் அல்ல,

உதவி நாடி வந்த ஒருவருக்கு ஓடிச் சென்று உதவியவரின் இதயம் தான்.

மிகப்பெரும் கிரகம் ஜூபிடர் என்கிறார்கள்,

உண்மையில் பெரிய கிரகம் முட்டாள்களைக்கூட வைத்துக்கொண்டு தொழில் செய்வதுதான்.

நம்பிக்கைத் துரோகத்தை எதிர்கொண்ட ஒரு மனதின் கொதிப்பை விடவா உலகத்தின் பெரிய எரிமலையான ஹவாயின் மவுனா லோ கொதித்து விடப்போகிறது ?

இந்தியாவின் சிரபுஞ்சிதான் உலகத்தில் அதிகமாக மழை பொழியும் இடமாம்,

பொருட்கள் வாங்கித் தரச் சொல்லும் குழந்தைகளின் கண்களை

அவர்கள் பார்த்ததில்லை போலும்.

கம்போடியாவின் அங்கோர் வாட் தான் இன்றளவில்

உலகத்தின் மிகப்பெரும் கோயிலாம்,

ஒரு சந்தோசமான குடும்பம் வாழும் வீட்டை விடவா

அது பெரிய கோயில் ?

உலகத்தின் மிகப்பெரிய நிலவாழ் மிருகம் ஆப்பிரிக்க யானை என்று சொல்பவர்களே,

குடித்திருக்கும் ஒரு சாதாரண மனிதனை விடவா மூர்க்கமானது அது ?

உலகின் மிகப்பெரும் அருங்காட்சியகம் லண்டனில் இருக்கிறதாம்,

அட குழந்தைகள் விளையாடி கலைக்கப்படாத வீடுகள் தானே

உலகின் பெரிய அருங்காட்சியகம்.

மனிதனின் எண்ணங்களின் ஓட்டத்தை விட உலகில் எந்த ரயிலாலும் விமானத்தாலும் வேகமாகச் சென்று விட முடியாது.

இப்படியாக, உலகத்தின் பெரியதும் சிறியதும் நமக்குள்ளும் நம்மைச் சுற்றியும்தான் இருக்கின்றன. உலகத்தின் வலியதும் எளியதும் நம்மைச் சார்ந்தே கிடக்கின்றன...

#வாழ்க_வளமுடன்

அகரம் பார்த்திபன் - படித்ததில் பிடித்தது 

#படித்ததில்பிடித்தது

பதினேழு வகையான மூடர்கள்

மகாபாரதத்தில் விதுரர் கூறிய பதினேழு (17) வகையான மூடர்கள்:–

1) தனக்கு கிடைக்கும் சிறு சிறு லாபங்களால் மகிழ்ச்சி யடைபவன்.

2) தன்னிடம் கட்டுப்படாதவனைக் கட்டுப்படுத்த முயற்சிப்ப‍வன்.

3) பொய்யை உண்மை என்று நிறுவ முயற்சிப்ப‍வன்.

4)உயர்ந்த குடும்பத்தில் பிறந்திருப்பினும், முறையற்ற செய்கையைச் செய்பவன்.

5) தானத்தைக் கேட்கக் கூடாதவனிடம் கேட்பவன்.

6) தற்பெருமை பேசுபவன் அதாவது எதையும் செய்யாமல் தன்னைத் தானே புகழ்ந்து கொண்டிருப்ப‍வன்.

7) பெண்களின் பலவீனத்தைக் கொண்டு அவர்களைக் கட்டுப்படுத்தி அவர்கள் மூலமாக பணம், பொருளைக் கொண்டு பிழைப்பவன்.

8) பலமில்லாத‌வனாக இருந்துகொண்டு, பலமுள்ள‍வனோடு எப்போதும் பகைமை பாராட்டுபவன்.

9) பிறரிடம் இருந்து உதவியோ அல்ல‍து பொருளையோ எதுவாகினும் அதைப் பெற்றுக்கொண்டு, பின் அது தனது 'நினைவில் இல்லையே...' என்று சொல்பவன்.

10) தனது விந்தினை வேறு நிலத்தில் சிதற விடுபவன்... அதாவது பிறர் மனைவியரை அடைபவன்.

11) தனது மனைவியைக் குறித்து அவனே பிறரிடம் தவறாகப் பேசுபவன்.

12) தனது அச்சங்கள் அனைத்தும் தனது மருமகளால் விலகியதாகத் தற்பெருமை பேசுபவன்.

13) மாமனாராக இருந்து கொண்டு, தனது மருமகளிட ம் கேலி செய்பவன்.

14) அடைய முடியாது என்று தெரிந்தும் அதை அடைய விரும்புபவன்.

15) தனது பேச்சினை ஏளனமாகக் கேட்டுக் கொண்டிருப்பவனிடம் தொடர்ந்து பேசுபவன்.

16) புனித இடங்களில் தானம் அளித்துவிட்டு, வீட்டிற்கு வந்து அதைத்தானே சொல்லித் தற்பெருமை பேசுபவன்.

17) எதிரிகளிடம் சரணடைந்து அவனுக்கு வேண்டிய பணிகளைப் பணிவாகச் செய்பவன்.

ஆகியோரே அந்தப் பதினேழு வகையான மூடர்கள் ஆவர் என்று விதுரர் கூறியுள்ளார்.

மகாபாரதத்தில் கௌரவ, பாண்டவர்களின் சித்தப்பா விதுரர் ஆவார். இவர் மதிநுட்பம் மிகுந்த அமைச்சராக தனது அண்ண‍ன் திருதராஷ்டர‌ரின் அவையில் இருந்தவரும் பீஷ்மரின் நம்பிக்கைக்கு பாத்திரமானவருமாவார்.

-படித்ததில் பிடித்தது. அகரம் பார்த்திபன் அவர்கள் தமிழ் கூறும் நல்லுலகம் வாட்ஸப் குழுவின் ஊடாக பகிர்ந்து கொண்டார்-

பதினேழு வகையான மூடர்கள் - அகரம் பார்த்திபன் 
 

கீதையும் அர்ஜுனனின் சந்தேகமும்

அர்ஜுனனுக்கு ஏற்பட்ட எண்ணற்ற சந்தேகங்களுக்கு பகவான் கண்ணன் கூறிய விளக்கங்கள் கீதை என்ற புனித நூலாக மனித சமுதாயத்திற்குக் கிடைத்திருக்கிறது. பகவான் அந்த கீதையை உபதேசித்தது பற்றியே ஒரு சந்தேகத்தை எழுப்பினான் அர்ஜுனன். அர்ஜுனனின் சந்தேகம் என்ன தெரியுமா? 'ஸ்ரீ கிருஷ்ணர், மனிதகுலம் முழுவதற்குமான மாபெரும் தத்துவச் சுரங்கமாக கீதையை அருளியிருக்கிறார். நுட்பமான அரிய பல உண்மைகளை எடுத்துச் சொல்ல கிருஷ்ணர் நம்மை ஏன் தேர்ந்தெடுத்தார்? பிதாமகர் பீஷ்மரிடம் சொல்லி இருக்கலாம். தத்துவ உபதேசங்களுக்குத் தகுதி வாய்ந்தவர் அவர். ஒரு வேளை, அவர் எதிர்முகாமில் இருப்பதால் அவரைத் தவிர்த்தது நியாயமாக இருக்கலாம்.

ஆனால் அண்ணன் தருமன் இருக்கிறாரே அவரைவிட கீதையைக் கேட்கப் பொருத்தமானவர் வேறு யார் இருக்க முடியும்? மூத்தவர், தரும நீதிகளை உணர்ந்தவர். அவரை ஏன் கிருஷ்ணர் புறக்கணித்தார் ? அண்ணன் பீமன் வெறும் பலசாலி மட்டுமல்ல; மிகச் சிறந்த பக்திமானும்கூட. பூஜா நியமங்களை ஒழுங்காகச் செய்து வருபவர். இப்படி நல்லவர்களை எல்லாம் விட்டுவிட்டு, உலக சுகங்களில் அதிக நாட்டமுள்ளவனும், உணர்ச்சிவசப்பட்டு பல தவறுகளை அடிக்கடி செய்துவிடுபவனும், ஆத்திரக்காரனுமான என்னைப் போய் கீதை போன்ற புனித உபதேசங்களைக் கேட்கத் தகுதி உள்ளவனாக கிருஷ்ணர் கருதியிருக்கிறாரே, இது எவ்வகையில் நியாயம்?' அர்ஜுனனின் இந்தச் சந்தேகத்தைக் கேட்டதும் கண்ணபிரான் கூறினார்.

'அர்ஜுனா ! நீ என்னோடு நெருங்கிப் பழகுபவன். என் மீது தோழமை கலந்த அன்புடன் இருப்பவன் என்பதால் நான் உனக்கு கீதையைச் சொல்லவில்லை. நீ நினைப்பதுபோல் பிதாமகர் பீஷ்மரை அறங்கள் அனைத்துமுணர்ந்த ஒரு மகாத்மாவாக என்னால் கருதமுடியவில்லை. சாஸ்திரங்கள் உணர்வதால் மட்டும் ஒரு மனிதனுக்கு சிறப்பு வந்துவிடாது; கடைப்பிடித்தால்தான் சிறப்பு. கௌரவர்கள் அதர்மம் புரிகிறார்கள் என்பதறிந்தும் பீஷ்மர் அவர்கள் பக்கமே இருக்கிறார். அதேசமயம் பாண்டவர்களை தனியே பார்க்க நேரும்போது தர்மம் வெல்ல ஆசிர்வதிப்பதாகவும் கூறுகிறார். இது இரட்டை வேடம். ஒரே சமயத்தில் இரண்டு குதிரைகளில் சவாரி செய்வது சாத்தியமற்றது. எண்ணம், சொல், செயல் இவை ஒன்றாக எவனிடம் இணைந்திருக்கிறதோ அவனே உத்தமன். பீஷ்மர் அப்படிப்பட்டவராக இல்லை. தர்மர் கீதை கேட்கத் தகுதியானவர் என்பது உன் எண்ணம். அவர் நல்லவர்தான்.

ஆனால் முன்யோசனை இல்லாதவர். தவறு செய்துவிட்டுப் பிறகு வருந்திக்கொண்டிருப்பது அவர் இயல்பு. தர்மர் நீதியையும் தருமத்தையும் கடைப்பிடிப்பவர் என்பதில் சந்தேகமில்லை. ஆனால், அவரால் தக்க நேரத்தில் தன் கடமை என்னவென்று உணர இயலவில்லை. பீமனைப் பற்றிச் சொன்னால் பீமன் அளவற்ற பலசாலி. பக்திமானும்கூட. ஆனால் அவனிடம் மனோபலமும் இல்லை; அறிவு பலமும் இல்லை. வீண் கோபத்தில் அவன் விளைவித்த விபரீதங்கள் அநேகம்.

அர்ஜுனா ! நீ இவர்களைப் போன்றவனல்ல, மகாவீரன். அதிநுட்பம் வாய்ந்த அஸ்திர வித்தை பல கற்றவன் என்ற போதும்கூட நீ முன் யோசனை உள்ளவனாய் இருக்கிறாய். அதுதான் உன் தனிச்சிறப்பு. இதோ பார், உன்னைவிட வயதான, அறிவிலும் பெரியவர்களான பலரையும் மதித்து நீ இத்தனை வாதிக்கிறாய் என்னிடம். களத்திலே நின்றபோதும் உற்றார், உறவினர் மதிப்பிற்குரிய பெரியோர்களையெல்லாம் எப்படிக் கொல்வது – தேவைதானா இந்த யுத்தமும் இழப்பும் என்றெல்லாம் நீ யோசித்தாய். அத்தனை பேரையும் இழந்து அரசாட்சியைப் பெறுவதால் என்ன பெருமை இருக்க முடியும் என்று கலங்கினாய். பிச்சை எடுத்து வாழவும் நான் தயார் என்று என்னிடம் கூறினாய். நீ பதவி வெறியனல்ல. பழைய விரோதங்களுக்குப் பழி வாங்க வேண்டுமென்று முன்பு நினைத்திருந்தபோதும், களத்தில் அவர்களை மன்னித்து போரே வேண்டாம் என்று எண்ணுகிற உள்ளம் உன்னிடம் இருக்கிறது. ஓரளவு நீதி எது அநீதி எது என்று சிந்திக்கிறவனாகவே நீ எந்த தருணத்திலும் இருந்திருக்கிறாய். இதெல்லாம்தான் நான் உனக்கு கீதையை உபதேசிக்கக் காரணங்கள். நீதியான வழியில் நடக்க அனைத்தையும் தியாகம் செய்யும் மனவலிமையும் தேவை. தன்னுடைய புனிதமான கடமையை உணர்பவனுக்குத்தான் கீதை கேட்கும் தகுதி உண்டு. இப்போது புரிகிறதா அர்ஜுனா, நான் உனக்கு கீதை சொல்லக் காரணம்? தனிச்சலுகை எதுவுமல்ல; தகுதிச் சிறப்புதான் காரணம்.' அர்ஜுனன் அப்போதும்கூட அகந்தை எதுவுமற்றவனாய் அடக்கத்தோடு ஸ்ரீகிருஷ்ணரை நோக்கி வணங்கி நின்றான்.

-படித்ததில் பிடித்தது. அகரம் பார்த்திபன் அவர்கள் தமிழ் கூறும் நல்லுலகம் வாட்ஸப் குழுவின் ஊடாக பகிர்ந்து கொண்டார்-

ஐ எனும் ஐ!

தமிழில் இன்று ஐந்து, ஐயா, ஐயோ என்ற சொற்களை எழுதப் பயன்படும் 'ஐ' என்ற எழுத்து ஒரு காலத்தில் 'ஐ' என்ற சொல்லாகத் தனித்து நின்று பெரியவர்கள், அண்ணன், தெய்வங்கள், தலைவன் போன்ற பொருட்களைத் தந்திருக்கின்றது. ஆனால் இன்றைய தமிழில் அது ஒரு எழுத்தாக மட்டுமே பயன்படுத்தப் படுகின்றது. அதற்குத் தனிப்பட்ட பொருள் இன்று கிடையாது. அது வேற்றுமை உருபு ஆவது வேறு செய்தி.

முதல் நாள் போரிலே அண்ணனை இழந்து மறுநாள் போரிலே கணவனை இழந்த பெண்ணொருத்தி மீண்டும் இன்று போர்ப்பறை கேட்க மகிழ்ந்து தன் மகனையும் வேல் கொடுத்துக் களத்துக்கு அனுப்பிய கதையைச் சொல்லும் புறநானூற்றுப் பாடலை எடுத்துக் கொள்வோம்.

அதிலே 

'மேனாள் உற்ற செருவில் இவள் தன் ஐ யானை எறிந்து களத்து ஒழிந்தனனே (புறநானூறு 297)' 

என்ற அடிகள் வரும். முன்பு நடந்த போரிலே யானையை வேலால் எறிந்து கொன்று விட்டு தானும் இறந்து போனான் இவள் அண்ணன் என்பது இந்தச் சங்கச் செய்யுள் அடிகளின் பொருளாகும். இங்கே ஐ என்பது அண்ணன் என்ற பொருளில் கையாளப்பட்டிருக்கின்றது.

திருக்குறள் படைச் செருக்கு அதிகாரத்திலே

'என் ஐ முன் நில்லன்மின் பகைவீர் பலர் என் ஐ

முன் நின்று கல் நின்றவர்' 

என்று ஒரு குறள் காணப்படுகின்றது. முன்பு என் தலைவன் முன்னே போர் செய்யவந்து இறந்து இன்று கல்லறையில் கிடப்பவர் பலர். அதனால் பகைவர்களே என் தலைவன் முன் நிற்காமல் அகன்று விடுங்கள் என்பது இதன் பொருள். இங்கே 'ஐ' என்பது தலைவன் என்ற பொருளில் திருவள்ளுவரால் பயன்படுத்தப்பட்டுள்ளது.

பட்டினத்தார் தனக்கு நஞ்சு கலந்த சோறு தரப்பட்டபோது முன்னை இட்ட தீ முப்புரத்திலே பின்னை இட்ட தீ தென்னிலங்கையில் என்று பாடினார். முன் ஐ இட்ட தீ முப்புரத்திலே என்றால் முன்பு இறைவன் வைத்த நெருப்பு மூன்று புரங்களை எரிப்பதற்காக என்று பொருளாகும்.

பாற்கடலைக் கடைந்த போது முதலில் தோன்றியவள் மூதேவி. அவளின் பின்பு தோன்றியவள் இலக்குமி. அவள் சீதையாகப் பிறந்து இராவணனால் சிறையெடுக்கப் பட்ட போது அவளைத் தேடிப் போன அநுமனின் வாலிலே தீ வைத்தான் இராவணன். அந்தத் தீயைக் கொண்டு அநுமன் இலங்கை முழுவதும் பாய்ந்து தீ மூட்டினான் என்று சொல்லும் கம்பராமாயணம். அது அநுமன் வைத்த நெருப்பு அல்ல அவன் மூலமாக திருமகள் ஆகிய சீதை வைத்த கற்பின் நெருப்பு என்பான் விபீடனன்.

'கோநகர் முழுவதும் நினது கொற்றமும்

சானகி எனும் பெயர் உலகின் தம்மனை

யானவள் கற்பினால் வெந்தது அல்லது ஓர்

வானரம் சுட்டது என்று உணர்தல் மாட்சியோ?

(கம்பராமாயணம் - யுத்த காண்ணடம் - மந்திரப்படலம்)'

அண்ணா! ஒரு குரங்கினால் இலங்கைக்குத் தீவைக்க முடியுமா? வைத்தாலும் தீ பிடிக்குமா? பிடித்தாலும் எரிந்து இவ்வளவு நாசம் வருமா? சானகியின் கற்பினால் வெந்து போன எங்கள் நாட்டைத் திரும்பத் திரும்ப குரங்கு சுட்டது என்று சொல்லிக் கொண்டிருக்காதே என்பது இதன் பொருளாகும்.

அதனால் தான் பட்டினத்தார் பின் ஐ இட்ட தீ தென் இலங்கையில் என்றார். இதை உணராத ஒரு பகுதித் தமிழுலகம் இன்றும் பின்னை இட்ட தீ தென்னிலங்கையில் என்ற தொடருக்கு பின்னொரு காலத்திலே வைக்கப்பட்ட தீ தெற்கு இலங்கையில் என்று சொல்லிக் கொண்டிருக்கின்றது.

இங்கே 'ஐ' என்பது தெய்வங்களைக் குறிக்கும் சொல்லாக வந்து விடுகின்றது.

இனித் தொல்காப்பியர் 'ஐ' என்ற எழுத்தை பெரியவர்கள் என்ற பொருளில் பயன்படுத்தியுள்ளதைப் பார்ப்போம். சங்க கால காதல் ஒழுக்கங்களிலே தவறுகள் தலைகாட்ட முற்பட்ட போது பெரியவர்கள் அதைச் சீர் செய்வதற்காக சில கட்டுப்பாடுகளைக் கொண்டுவந்தார்கள் என்று சொல்ல வந்த தொல்காப்பியர்

'பொய்யும் வழுவும் தோன்றிய பின்னர்

ஐயர் யாத்தனர் கரணம் என்ப

(தொல்காப்பியம் - பொருளதிகாரம் - கற்பியல்)'

என்று சொல்லிவிட்டுப் போனார். இதைக் கூட காதல் வாழ்விலே பிரச்சனைகள் ஏற்பட்ட போது பிராமணக் குருக்கள்மார் திருமணச் சடங்குகளை உருவாக்கினர் என்று தொல்காப்பியர் சொன்னதாக அடம்பிடிக்கும் தமிழ் அறிஞர்கள் இருக்கின்றார்கள். அவர்களைத் தவிர்த்து நோக்கினால் காதலித்து நெருங்கிப் பழகியவர்கள் தாம் அப்படிச் செய்யவில்லை என்று மறுத்து சில இன்னல்களை ஒருவருக்கொருவர் செய்து பொய்யும் தவறுமாக நடக்க முயன்ற போது அதை மாற்றியமைக்க பெரியவர்கள் சில சடங்கு முறைகளை வகுத்தனர் என்ற கொள்வதே பொருத்தமாகும்.

எனவே 'ஐ' என்ற எழுத்து 'ஐ' என்ற சொல்லாகிப் பயன்பட்ட காலம் போய் வெறும் எழுத்தாக மட்டுமே இன்று பயன்படுத்தப்படுகின்றது. வருங்காலத்தில் எழுத்தாகவாவது நிலைக்குமா என்பது தெரியவில்லை. கணினி விசைப் பலகையில் 'ஐ' என்பதை அய் என்று எழுதினால் என்ன என்று சிந்திக்கின்றார்கள். ஆம்! சிந்தித்துக் கொண்டே இருக்கின்றார்கள்...

-படித்ததில் பிடித்தது. அகரம் பார்த்திபன் அவர்கள் தமிழ் கூறும் நல்லுலகம் வாட்ஸப் குழுவின் ஊடாக பகிர்ந்து கொண்டார்-

ஐ எனும் ஐ! 

நாலு கோடி பாடல்கள் !

சோழ மன்னன் ஒருவன் தனது அவைக்களப் புலவர்களை அழைத்து, ‘நாளை பொழுது விடிவதற்குள் நீங்கள் நாலு கோடி பாடல்கள் பாட வேண்டும்’ என்று ஆணையிட்டான்.

ஓர் இரவுக்குள் நாலு கோடி பாடல்களை எப்படிப் பாடுவது என்று அவைக்களப் புலவர்கள் திகைத்தனர். அப்போது அங்கே ஒளவையார் வந்தார்; புலவர்களின் கவலைக்கான காரணத்தைக் கேட்டு அறிந்தார். உடனே அவர் புலவர்களைப் பார்த்து, ‘இதற்காகவா திகைத்தீர்கள். கவலை வேண்டாம். இப்போதே நாலு கோடி பாடலைப் பாடுகிறேன்; மன்னனிடம் சென்று அதைப் பாடுங்கள்’ என்று கூறிவிட்டு ஒரே ஒரு பாடலை மட்டும் பாடினார். ஒரு பாடல் எப்படி நாலு கோடி பாடலுக்கு இணையானது ஆகும்? வியப்பாக இருக்கிறதா? இதோ அந்த நாலு கோடி பாடலைப் பாருங்கள்.

மதியாதார் முற்றம் மதித்தொரு கால்சென்று

மிதியாமை கோடி பெறும்;

உண்ணீர் உண்ணீர் என்று உபசரியார் தம்மனையில்

உண்ணாமை கோடி பெறும்;

கோடி கொடுத்தும் குடிப்பிறந்தார் தம்மோடு

கூடுதல் கோடி பெறும்;

கோடானு கோடி கொடுப்பினும் தன்னுடைநாக்

கோடாமை கோடி பெறும்.(ஒளவையார் தனிப் பாடல்:42)

இப்பாடலில் கோடி என்று ஒரு கோடி பொன் குறிப்பிடப் பட்டுள்ளது. இப்பாடலில் ஒவ்வொன்றும் ஒரு கோடி பொன்னுக்கு இணையானவை என்று நான்கு செயல்களை ஒளவையார் குறிப்பிட்டுள்ளார்.

1. நல்ல பண்புகளை மதித்து நடக்காதவரை மதித்து அவரது வீட்டின் முன்பகுதியை மிதிக்காமல் இருப்பது, செல்லாமல் இருப்பது கோடி பொன்னுக்கு இணையானது ஆகும். (நம்மை மதிக்காதவரின் வீட்டுக்குச் செல்லாமல் இருப்பது கோடி பொன்னுக்கு இணையானது என்றும் பொருள் கூறுவார்கள்)

2. உண்ணுமாறு விரும்பிக் கேட்டுக் கொள்ளாதவரின் வீட்டில் உண்ணாமல் இருப்பது கோடி பொன்னுக்கு இணையானது ஆகும்.

3. கோடி பொன்னைக் கொடுத்தாவது நல்ல குடும்பத்தில் பிறந்தவர்களுடன் சேர்ந்து வாழ்வது கோடி பொன்னுக்கு இணையானது ஆகும்.

4. பலகோடி பொன் கிடைப்பதாக இருந்தாலும் சொன்ன சொல்லிலிருந்து தவறாமல் வாழ்வது கோடி பொன்னுக்கு இணையானது ஆகும். இப்பாடலில் முதல் இரண்டு கருத்துகளையும் எதிர்மறைப் பொருளில் பாடிய ஒளவையார் இறுதி இரண்டு கருத்துகளையும் உடன்பாட்டுப் பொருளில் பாடியுள்ளார்.

நல்ல பண்புகளை மதிக்காதவர் வீட்டுக்குச் செல்லாதே!

விரும்பி உண்ணச் சொல்லாதவரின் வீட்டில் உண்ணாதே! - என்பவை எதிர்மறை ஆகும்.

நல்ல குடும்பத்தினருடன் சேர்ந்து வாழ்!

சொன்ன சொல் தவறாமல் வாழ்! -  என்பவை  உடன்பாட்டுப் பொருள் ஆகும்.

-படித்ததில் பிடித்தது. அகரம் பார்த்திபன் அவர்கள் தமிழ் கூறும் நல்லுலகம் வாட்ஸப் குழுவின் ஊடாக பகிர்ந்து கொண்டார்- 

நாலு கோடி பாடல்கள் ! - FOUR-CRORE-POEMS-AVVAIYAAR - அகரம் பார்த்திபன்

முயற்சி செய்!

ஒரு காட்டில் மரப்பொந்தில் கழுகு ஒன்று வாழ்ந்து வந்தது. அந்தக் கழுகுக்கு இறைவனிடம் கண்மூடித்தனமான நம்பிக்கை. அதனால் அது அடிக்கடி ஒரு பாறை மீது அமர்ந்து தியானம் செய்துகொண்டிருக்கும். ஒருநாள் திடீரென்று "இறைவனுக்கு நாம் தியானம் செய்வது தெரியுமா?'' என்று சந்தேகம் வந்தது. பின்னர் தானாகவே இறைவனுக்கு எல்லாம் தெரியும் என்று சமாதானம் செய்து கொண்டது.

ஒருநாள் அந்தக் கழுகு "இன்று எனக்கு உணவு கிடைக்குமா? இறைவன்தான் எல்லோருக்கும் படியளப்பவன் ஆயிற்றே...'' என்று யோசித்தது. உணவு கிடைக்குமா என்ற சந்தேகம் வந்ததும் அந்தக் கழுகு அமர்ந்து தியானம் செய்யும் பாறை மீது நின்று, "இறைவா, இன்று எனக்கு உணவு கிடைக்குமா?'' என்று பெரிய குரலெடுத்துக் கூவியது.

உடனே விண்ணிலிருந்து ஒரு குரல். "உனக்கு இன்று உணவு உண்டு'' என்று பதில் கூறியது. மிக்க மகிழ்ச்சியுடன் "இன்று இரை தேடும் வேலை இல்லை, எப்படியும் உணவு கிடைத்துவிடும்'' என்ற நம்பிக்கையுடன் அந்தக் கழுகு பேசாமல் தியானம் செய்து கொண்டு அந்தப் பாறை மீது அமர்ந்திருந்தது.

நேரம் செல்லச்செல்ல கழுகுக்குப் பசி வரத் தொடங்கியது. ஆனாலும் கண்களைத் திறக்காமல் இறை தியானத்திலேயே அமர்ந்திருந்தது. மதியம் ஆயிற்று, மாலையும் போயிற்று. இரவு வந்துவிட்டது. "நம்மை இறைவனே ஏமாற்றிவிட்டாரே'' என்று மனம் வருந்தியபடி பாறையிலிருந்து புறப்படத் தயாரானது கழுகு.

அப்போது ஒரு குரல் கேட்டது. "என்ன குழந்தாய். சாப்பிட்டாயா?'' என்றதைக் கேட்டதும், கழுகுக்கு அழுகை வந்துவிட்டது. "குழந்தாய் சற்று திரும்பிப் பார். உன் பின்னாலேயே உனக்கான உணவு இருக்கிறது'' என்றது அந்தக் குரல். கழுகு பின்னால் சென்று பார்த்தது. அங்கே ஒரு பெரிய எலி இறந்துகிடந்தது.

கழுகு புன்னகை புரிந்தது. இறைவனிடம் , "இதனைக் காலம் தாழ்த்திக் கொடுத்தாயே இறைவா?" என்று கேட்டது கழுகு. இறைவன் பதிலளித்தார். "குழந்தாய், உனக்குரிய நேரத்தில் உணவு வந்துவிட்டது. நீதான் அதைத் தேடி எடுக்காமல் காலம் தாழ்த்திவிட்டாய். திரும்பிப் பார்க்கும் முயற்சிகூடச் செய்யாமல் உணவு எப்படிக் கிடைக்கும்? கடுகளவேனும் முயற்சி வேண்டும். ஒரு வேளை உணவுகூட உழைக்காமல் உண்ணக்கூடாது. அப்போதுதான் இறைவனின் அருளையும் பெற முடியும்'' என்று கழுகுக்கு ஆசி கூறி மறைந்தார் இறைவன்.

அன்று முதல் கழுகு உழைப்பையே தியானமாக எண்ணிக் கடமையைச் செய்யத் தொடங்கியது. தெய்வ நம்பிக்கை எல்லோரிடமும் இருக்க வேண்டும். ஆனால் தெய்வத்தை நம்பியே ஒரே இடத்தில் இருந்து விடக்கூடாது . முயற்சி இல்லாமல் எதுவும் கிடைப்பது இல்லை. உழைப்பவரை என்றும் வறுமை அண்டுவதில்லை.

முயற்சி திருவினையாக்கும்...

-படித்ததில் பிடித்தது. தோழர் முனீஸ்வரன் அவர்கள் தமிழ் கூறும் நல்லுலகம் வாட்ஸப் குழுவில் பகிர்ந்து கொண்டது. நன்றி-

முயற்சி செய்! - படித்ததில் பிடித்தது