இராஜராஜர் பராக்...!

திக்கெட்டும் முரசுகொட்டி 

விண்ணதிரயிந்த மண்ணதிர,
வந்துவிட்டார் எங்கள்
தென்னாட்டின் தங்கம்,
சிங்கத்திற்கே சிரசதிரும்
சோழத்தின் கர்ஜனையில்,
இனியெல்லாம் ஜெயமாகும்
வரமாகும்நம் தவம்யாவும்!

புல்லர்கள் புறமுதுகிடட்டும்
எள்ளர்கள் எட்டிநிற்கட்டும்,
வீண்பேசித் திரிந்தோரெல்லாம் 

வீதியிலே ஓரம்போகட்டும்,
உலகையொரு குடைநிழலில் 

ஆண்டயெம் மன்னவன்,
தன்குடிலுக்கு வந்துவிட்டாரினி
கூற்றுவன் குருதி தெறிக்கட்டும்!

ஆதவன் வெளிப்பட்டான்-சோழத்தின்
மாதவன் வெளிப்பட்டார்,
தசாவதாரம் தேவையில்லை,
இனியும் வேண்டும்
உலகமதிரும் ஓரவதாரம்
இராஜராஜ பேரவதாரம்,
திக்கெட்டும் தொலைவெங்கும்
சோழமேயென்று சங்கேமுழங்கு!

பொன்னிநதியெங்கும் 

புதுப்புனல்திமிரட்டும்
புனல்வெளியில் கயல்துள்ளட்டும்,
வயலெங்கும் பயிர்விளையட்டும்
கலமெங்கும் நெற்செறியட்டும்,
பஞ்சமினி பறந்தோடட்டும்
பகைவரெல்லாம் விரைந்தோடட்டும்,
பார்போற்றும் இராஜராஜன் 

புகழ்வேர்விட்டு விருட்சகமாகட்டும்!

#102/2018/SIGARAMCO
2018/06/02
இராஜராஜர் பராக்...! 
https://www.sigaram.co/preview.php?n_id=328&code=42yL9Jq0

பதிவர் : கவின்மொழிவர்மன்

#கவிதை #தமிழ் #கவின்மொழிவர்மன் #ராஜராஜசோழன் #லோகமாதேவி #Tamil #Thamizh #Poem #Kavidhai #KavinMozhiVarman #RajaRajaChozhan #Logamadhevi #SIGARAM #SIGARAMCO

#சிகரம்

வாடாதபூ புன்னகைப்பூ

நெரிசல்களுக்கிடையில்

சிக்கி உழலுகையிலும்,

வியர்வை ததும்பும்

வெம்மைப் பொழுதிலும்,

எத்தனையோ விந்தைகளும் 

சிந்தைகலைக்கும் அழகுகளும்,

இனம்புரியாத ஏக்கத்திலும்

இதயம்கவ்வும் சோகத்திலும்,

தனிமைநிறைந்த வெறுமையிலும்

உறவுசூழ்ந்த இடைஞ்சலிலும்

முற்றும்தொலைந்து வற்றிப்போன

இதயக்கூட்டில் இன்பம்,

எச்சமின்றி காய்ந்திருக்கும்

ஆழ்மனதில் மிச்சமொன்று

கிளர்ந்துயெழ உந்தனழகுமதி

வதனம்கண்டு புன்னகைப்பூக்குமடி!

கண்ணம்மா...

#099/2018/SIGARAMCO

2018/06/01

வாடாதபூ புன்னகைப்பூ  

https://www.sigaram.co/preview.php?n_id=325&code=xK2ePHwF 

பதிவர் : கவின்மொழிவர்மன்

#கவிதை #தமிழ் #கவின்மொழிவர்மன் #Poem #Tamil #Kavinmozhivarman

#சிகரம்

கவிக்குறள் - 0016 - முட்டாளின் செல்வம்!

அதிகாரம் 84
பேதமை 

*******

ஏதிலார் ஆரத் தமர்பசிப்பர் பேதை 
பெருஞ்செல்வம் உற்றக் கடை 
(குறள் 837)

****

முட்டாளின் செல்வம்!

****
பணத்தாசை
வெறிபிடித்துப்
பலலட்சம்
சேர்த்துவைத்து
மனத்திலே
அன்பில்லாது
மரம்போன்று
வாழும்மாந்தர்,

காலையில்
எழுந்திருந்து
கண்களில்
பணத்தைஒற்றி
சாமியே
நீதானென்று
சாம்பிராணி
சூடம்காட்டி,

பெற்றத்தாய்
தந்தையேனும்
உற்றதோர்
மனைவியேனும்
தான்பெற்றப்
பிள்ளைக்கேனும்
காட்டாமல்
பணம்மறைத்து,

அப்படி
உள்ளோன்காசை
அடுத்தவர்த்
தின்றுபார்ப்பார்
தன்னுடை
உறவுஇங்கே
தாங்காதுப்
பசியில்வாடும்,

மனத்திலே
அன்புமின்றி
மண்டையில்
அறிவுமின்றி
வாழ்கின்றப்
பேதைக்காசை
வழிச்செல்வோர்
தின்பாரென்றான்!

****

ஏதிலார் - தொடர்பற்ற மற்றவர்.

தமர் - உரிய உறவுகள்.

பேதை - அறிவற்றவர்.

****

உரைநடை விளக்கம்.

*****

தாய், தந்தை, மனைவி மக்களோடு வாழ்ந்தும், மனத்தினில் அன்பும் மண்டையில் அறிவுமின்றி வாழும் பேதை, பொருள்வளத்தில் சிறந்திருந்தபோதும், அப்பொருளை இவனை ஏமாற்றி மற்றவர்கள் அனுபவித்து மகிழ்ந்திருக்க, உரிய உறவுகள் அடிப்படை தேவைக்குக்கூட பணம்இன்றி அல்லல் பட்டு வாழநேரும் என்கிறார் நமது அறிவுத்தந்தை.

அப்படியில்லாமல் நாம் ஈட்டியப் பொருளை, நமது உற்ற உறவுகளுக்கு முன்னுரிமைக் கொடுத்துப் பயன்படுத்தி நாம் அடுத்தவரிடம் ஏமாறாமல் இருந்து மகிழ்வோடு வாழ்வோம் உறவுகளே.

****

என்றும் அன்புடன்
இனிய உறவுடன்...

என் வணக்கமும் வாழ்த்துகளும்!

எல்லாநேரமும்
உங்கள்நினைவுடன் ...
கவிஞர் .
மானம்பாடி புண்ணியமூர்த்தி 

#090/2018/SIGARAMCO
11/04/2018
கவிக்குறள் - 0016 - முட்டாளின் செல்வம்!
https://goo.gl/onqHNF
பதிவர் : மானம்பாடி புண்ணியமூர்த்தி
#திருக்குறள் #சிகரம் #sigaramco #கவிதை
#சிகரம் 

#090/2018/SigarambharathiLK
11/04/2018
கவிக்குறள் - 0016 - முட்டாளின் செல்வம்! 
https://goo.gl/QsFZ11 
பதிவர் : மானம்பாடி புண்ணியமூர்த்தி
#திருக்குறள் #சிகரம் #sigaramco #கவிதை
#சிகரம் 

கவிக்குறள் - 0015 - மணமற்ற மலர்கள்!

அதிகாரம் 65
சொல்வன்மை 

****

இணர்ஊழ்த்தும் நாறா மலர்அனையர் கற்றது 
உணர விரித்துஉரையா தார்
(குறள் 650)

*****

மணமற்ற மலர்கள்!

******

வீட்டினில்
விடுதி தன்னில்
விழாக்களில்
பல இடத்தில்
செயற்கையாம்
மலர்கள் தன்னை
மிகுதியாய்
அலங்க ரிப்பர்,

கொத்துகள்
கொத்தாய் அங்கே
கோடியாய்
அவையி ருந்தும்
கண்களை
நிறைக்கு மல்லால்
நறுமணம்
உண்டோ சொல்வீர்?

தன்வீடு
முழுதும் ஆங்கே
தலையணை
போன்ற நூல்கள்
பன்நூறு
அடுக்கி வைத்துப்
படித்தவர் ஆனபோதும்,

கற்றுநாம்
உணர்ந்த செய்தி
கல்லாதார்
கண் திறக்க
உதவவேப்
பேசா ராகில்
ஊமைக்கு
நிகர்தா னென்றான்,


எவருக்கும்
பயன்ப டாது
இருக்கின்ற
மனித ரெல்லாம்
மணமற்ற
மலரே யென்று
மனம்வெம்பி
எழுதி வைத்தான்!

****

இணர்ஊழ்த்தும் - கொத்துக் கொத்தாக இருந்தும்.

நாறா - மணம் இல்லாத.

*****

மானம்பாடி புண்ணியமூர்த்தி .
21.02.2018.

#089/2018/SIGARAMCO 
2018/04/04
கவிக்குறள் - 0015 - மணமற்ற மலர்கள்!      
https://www.sigaram.co/preview.php?n_id=315&code=0idOVAp6   
பதிவர் : மானம்பாடி புண்ணியமூர்த்தி
#திருக்குறள் #சிகரம் #sigaramco #கவிதை
#சிகரம் 

#089/2018/SigarambharathiLK
2018/04/04
கவிக்குறள் - 0015 - மணமற்ற மலர்கள்!      
https://newsigaram.blogspot.com/2018/04/KAVIKKURAL-0015-MANAMATRA-MALARGAL.html   
பதிவர் : மானம்பாடி புண்ணியமூர்த்தி
#திருக்குறள் #சிகரம் #sigaramco #கவிதை
#சிகரம்

அறம் செழிக்க வாழ்வோம்!

ஆறுகள், குளங்கள் அமைத்திட்டே 
நீர்வளம் மிகுந்தே பெருக்கிடுவோம்!
ஆழ்துளை கிணறுகள் அகற்றிட்டே 
நிலத்தடிநீரை உயர்த்திடுவோம்!

வீடுகள்தோறும் மரம் வளர்ப்போம்
இயற்கை வளத்தை பெருக்கிடுவோம்!
உரங்கள், மருந்துகள் தவிர்த்திடுவோம்
மண்ணின் வளத்தினை காத்திடுவோம்!

பாரம்பரிய தானியங்கள் வளர்த்திடுவோம்
ஆரோக்கியமான சந்ததி கொடுத்திடுவோம்!
இயற்கை மருந்துகள் எடுத்திடுவோம்
எதிர்வினை உடலில் தவிர்த்திடுவோம்!

லஞ்சம், ஊழல் தவிர்த்திடுவோம்-நல்லாட்சி 
நாட்டில் அமைத்திடுவோம்!
வரி, விலை நாட்டில் குறைத்திடுவோம்
வறுமை என்பதை தவிர்த்திடுவோம்!

ஆயுத அரசியல் தவிர்த்திடுவோம்-அறத்தினை 
தழுவியே வாழ்ந்திடுவோம்!
பாவையர் உரிமையை உயர்த்திடுவோம்
பாரினில் பெண்மையை புகழ்ந்திடுவோம்!

ஜாதிமதப் பிரிவினை அழித்திடுவோம்
சமத்துவம் போற்றி வாழ்ந்திடுவோம்!
வஞ்சகம் குரோதம் தவிர்த்திடுவோம்
அறத்தினை செழிக்க வாழ்ந்திடுவோம்!

-கவின்மொழிவர்மன்

#088/2018/SIGARAMCO
2018/04/04
அறம் செழிக்க வாழ்வோம்!     
https://www.sigaram.co/preview.php?n_id=314&code=f14K6rPC  
பதிவர் : கவின்மொழிவர்மன்
#சிகரம் #தமிழ் #கவிதை #SIGARAM #SIGARAMCO 
#TAMIL #POEM #இயற்கை #NATURE #LIFE
#சிகரம்

#088/2018/SigarambharathiLK
2018/04/04
அறம் செழிக்க வாழ்வோம்!     
https://newsigaram.blogspot.com/2018/04/ARAM-SEZHIKKA-VAAZHVOM.html  
பதிவர் : கவின்மொழிவர்மன்
#சிகரம் #தமிழ் #கவிதை #SIGARAM #SIGARAMCO 
#TAMIL #POEM #இயற்கை #NATURE #LIFE
#சிகரம்

இயற்கை போற்றுக!

கருத்து வரும் மேகம் கண்டு
கவலை கொள்ளும் தாய் மனம்
கண்ணி மைக்கும் நேரத் திலே
காலம் மாற்றும் மண் மணம்!

பேரி ருளாய் வந்து நின்று
பெரும ழையாய் மாறி டுமோ
காற்று வந்து கருமேகம்
கலைந்தே சென்றி டுமோ?

அன்ற லர்ந்த மலர்க ளுடன்
அது போன்றே சிரித் திருக்கும்
பிஞ்சு மனக் கனவு களின்
பெருங் கோலம் கலைந்தி டுமோ ?

கணங் கணமாய் வாழ்வி னிலே
'கண்டங் கள்' கடப்பதுதான்
பெண் பேதை கேட்டு வந்த
பெரு வரமோ அறியேனே!

வேண்டி வந்த நேரத் தில்
வேடிக் கை காட்டி நின்று
வேண் டாத பொழுதி னிலே
பொழிவ திலே என்ன சுகம்?

தாக்க வந்த தடையெல் லாம்
தாங்கிக் கடந்து வந்தேன்
பொங்கி வரும் வேளை யிலே
போக்க ழித்து விடவேண் டாம்!

பொறுத்தி டுவீர் குறையெல் லாம்
போற்றி டுவோம் என்றென் றும்
இன்னுமொரு சுழிக் காற்றை
யெம்மி தயம் தாங்கா து!

இயற்கை வள மென்றும்
இனி நாங்கள் காத்தி டுவோம்
ஈசன் திருவ ருளை
என்றும் வேண்டி டுவோம்!

-K.Balaji
Jan 09 2016
9 PM

கவிஞர் பாலாஜி ஐயா அவர்களின் இக்கவிப்படைப்பு அவரது 'OWN COMPOSITIONS - TAMIL' என்னும் வலைத்தளத்திலும் கவிஞரினால் வெளியிடப்பட்டுள்ளது. 
-நன்றி 

இயற்கை போற்றுக! - OWN COMPOSITIONS - TAMIL 

#086/2018/SIGARAMCO 
2018/04/03
இயற்கை போற்றுக!   
https://www.sigaram.co/preview.php?n_id=312&code=SmGCvneo  
பதிவர் : பாலாஜி 
#தமிழ் #கவிதை #பாலாஜி #இயற்கை 
#SIGARAM #SIGARAMCO #TAMIL #POEM #NATURE #BAALAJI
#சிகரம்


#086/2018/SigarambharathiLK
2018/04/03
இயற்கை போற்றுக!   
https://newsigaram.blogspot.com/2018/04/IYARKAI-POTRUGA.html  
பதிவர் : பாலாஜி 
#தமிழ் #கவிதை #பாலாஜி #இயற்கை 
#SIGARAM #SIGARAMCO #TAMIL #POEM #NATURE #BAALAJI
#சிகரம்

கவிக்குறள் - 0014 - நன்றும் தீதும் நாக்கே செய்யும்! #SigaramCO

அதிகாரம் 65
சொல்வன்மை 

*****

ஆக்கமும் கேடும் அதனால் வருதலால் காத்து
ஓம்பல் சொல்லின்கண் சோர்வு 
(குறள் 642)

*****

நன்றும் தீதும்
நாக்கே செய்யும்!

****

பேசவே
தெரியு மென்று
பெருந்திமிர்
கொண்டு நாமும்
தேவையே
இல்லாப் பேச்சுத்
தினம் பேசித்
திரிதல் நன்றோ?

செல்கின்ற
இடத்தி லெல்லாம்
அறிமுகம்
இல்லாப் போதும்
பிறரிடம்
வலிந்து சென்று
பேசியே
கொல்லல் நன்றோ?

யாரையோ
பற்றி நாமும்
ஓரிடம்
சொன்ன வார்த்தை
தீயினைப்
போல் வளர்ந்து
தேடியே
நமைய ழிக்கும்!

பழமதை
நறுக்கக் கத்தி
பயன்படும்
நன்மை செய்யும்
கொலைசெய்ய
அந்தக் கத்தி
முனைந்திடின்
குற்றம் தானே?

நன்மையும்
தீமையாவும்
நாக்கினால்
வருவ தாலே
கவனமாய்
இருக்கச் சொல்லி
கருத்துநூல்
எழுதி வைத்தான்!

****

காத்துஓம்பல் - பிழைவராது காத்துக் கொள்ளுதல்.

சோர்வு - குற்றம்.

*****

மானம்பாடி புண்ணியமூர்த்தி.
20.02.2018.

#084/2018/SigaramCO
2018/03/29
கவிக்குறள் - 0014 - நன்றும் தீதும் நாக்கே செய்யும்! #SigaramCO    
https://www.sigaram.co/preview.php?n_id=310&code=XKQJNUBq 
பதிவர் : மானம்பாடி புண்ணியமூர்த்தி
#திருக்குறள் #சிகரம் #sigaramco #கவிதை
#சிகரம்


#084/2018/SigarambharathiLK
2018/03/29
கவிக்குறள் - 0014 - நன்றும் தீதும் நாக்கே செய்யும்! #SigaramCO    
https://newsigaram.blogspot.com/2018/03/KAVIK-KURAL-14-NANDRUM-THEEDHUM-NAKKE-SEIYUM.html      
பதிவர் : மானம்பாடி புண்ணியமூர்த்தி
#திருக்குறள் #சிகரம் #sigaramco #கவிதை
#சிகரம்

காலங்கள் யாருக்காகவும் காத்திருப்பதில்லை...

சாத்திரமும் ஆத்திரமும் 
காலத்திற்கு தடையில்லை,
கோத்திரங்கள் தேவையில்லை 
சேத்திரத்தில் லாபமில்லை!

காற்றிருந்திடவே தூற்றிடணும் 
வாலிபவயதில் உழைச்சிடணும்,
காலம்நேரம் பார்த்திடாமல் 
நாளும்பொழுதும் முயன்றிடணும்!

அயரும்நொடியில் ஆயிரமாய் 
அதிசயமாகுது பூவுலகம், இமைத்திடும் 
நொடியும் இழப்புகள்கோடி கண்டே
நகருது இவ்வுலகம்!

சமைத்திடக்கூட நேரமின்றி 
விரைவுஉணவகம் தேடுகின்றோம்,
சாத்திரம்பேசும் சிலமனிதர் 
பொழுதைவீணே இழக்கின்றார்!

படித்திடும்போதும் உழைத்திடணும் 
படுக்கையில்தூங்க மறுத்திடணும்,
நடந்திடும்போதே தூங்கிடணும் 
நாளுமுழைத்தே வாழ்ந்திடணும்!

பூனை கண்களை மூடிக்கொண்டால் 
பூகோளம்இருண்டிட போவதில்லை!
காலமும்நேரமும் காத்திருக்க 
கடவுளாயினும் பயனில்லை!

வேலைநேரம் பார்ப்பார்கள் 
வீணாய்பொழுதைக் கழிப்பவர்கள்,
காலம்நேரம் பார்ப்பதில்லை 
கடமையே கண்ணாய் இருப்பவர்கள்!

இந்நொடியென்பது உனதாகும் 
மறுநொடியாருக்கும் நிலையில்லை,
இக்கணமேசெயலை முடித்துவிடு 
மறுமுறையென்பதை மறந்துவிடு!

காலம்நேரம் யாருக்கும் 
காத்திருக்கவும் போவதில்லை,
வாழும்நாளை வளமாக்க 
உழைத்திடுநாளும் விரைவாக!

#கவின்மொழிவர்மன்
 
#082/2018/SIGARAMCO
2018/03/25
காலங்கள் யாருக்காகவும் காத்திருப்பதில்லை... 
https://www.sigaram.co/preview.php?n_id=308&code=9oIHiKgQ
பதிவர் : கவின்மொழிவர்மன்
#சிகரம் #தமிழ் #கவிதை #SIGARAM #SIGARAMCO #TAMIL #POEM
#சிகரம்

#082/2018/SigarambharathiLK
2018/03/25
காலங்கள் யாருக்காகவும் காத்திருப்பதில்லை... 
https://newsigaram.blogspot.com/2018/03/KAALANGAL-YAARUKKAAGAVUM-KAATHTHIRUPPATHILLAI.html   
பதிவர் : கவின்மொழிவர்மன்
#சிகரம் #தமிழ் #கவிதை #SIGARAM #SIGARAMCO #TAMIL #POEM
#சிகரம்
 

கவிக்குறள் - 0013 - துணையே பகையானால்?

அதிகாரம் 64
அமைச்சு

*****

பழுதுஎண்ணும் மந்திரியின் பக்கத்துள் 
தெவ்வோர் எழுபது கோடி உறும் 
(குறள் 639)

****

துணையே பகையானால்?

*****

கத்தியைக்
கையில் வைத்துச்
சுற்றியே
நமை எதிர்க்கும்
பகைவர்க்கு
அஞ்ச வேண்டாம்
பார்த்துநாம்
விலகல் கூடும்,

தோள்தனில்
கையைப் போட்டுத்
தோழமை
மிக்கக் காட்டிப்
பழகுவோர்
உள் மனத்தில்
பகையெண்ணி
இருப்பா ராயின்,

என்றைக்கோ
ஓர்நாள் நம்மை
எதிரியின்
வலையில் வீழ்த்தி
அழித்திட
முனைவார் நாமோ
அவருக்கே
அஞ்ச வேண்டும்,

எழுபது கோடியானும்
எதிரினில்
நின்று விட்டால்
பகையெனத்
தெரியக் கூடும்
பகைவெல்ல
முடியும் நம்மால்,

அருகினில்
இருப்போர் தம்மை
அலசிநாம்
ஆய்தல் வேண்டும்
ஏமாந்து
போவோ மானால்
எதிரிக்கே
வெற்றி யென்றான்!

***

தெவ்வோர் - பகைவர்.

உறும் - நிகராகும்.

*****

மானம்பாடி புண்ணியமூர்த்தி.
19.02.2018.


#080/2018/SigaramCO
2018/03/24
கவிக்குறள் - 0013 - துணையே பகையானால்? 
https://www.sigaram.co/preview.php?n_id=306&code=BfT3Ys1y

பதிவர் : மானம்பாடி புண்ணியமூர்த்தி

#திருக்குறள் #சிகரம் #sigaramco #கவிதை  
#சிகரம்   

#080/2018/SigarambharathiLK
2018/03/24
கவிக்குறள் - 0013 - துணையே பகையானால்? 
https://newsigaram.blogspot.com/2018/03/THUNAIYE-PAGAIYAANAAL.html  

பதிவர் : மானம்பாடி புண்ணியமூர்த்தி

#திருக்குறள் #சிகரம் #sigaramco #கவிதை  
#சிகரம்  

கவிக்குறள் - 0012 - இழிவும் பழியும்!

அதிகாரம் 61

மடி இன்மை 

***

இடிபுரிந்து எள்ளும்சொல் கேட்பர் மடிபுரிந்து 

மாண்ட உஞற்றி லவர் (குறள் 607)

*****

இழிவும் பழியும்!

*****

எதற்காகப்

பிறந்தோ மென்ற

எண்ணமே

சிறிது மின்றி

வாழ்கையில்

பிடிப்பு மின்றி

வாழ்கின்ற

மனித ரெல்லாம்,

திட்டங்கள்

ஏது மின்றித்

திறமைகள்

சிறிது மின்றி

சோம்பியே

கிடந்து நித்தம்

சோற்றுக்காய்

வாழு வோர்கள்,

இனம்மொழி

உணர்வு மின்றி

அறிவதில்

விருப்ப மின்றி

உயிரிலாப்

பிணம்போ லிங்கு

உலவியே

வருகின் றோர்கள்,

இடித்துமே

பலரும் பேச

இகழ்ந்துமே

காரித் துப்ப

நேர்ந்திடும்

சிறுமை யென்று

நெற்றியில்

அடித்துச் சொன்னான்,

தாம்பெற்ற

பிள்ளை யிங்கே

தாழ்ந்திடல்

ஆகா தென்று

தன்நெஞ்சில்

நினைத்த தாலே

தந்தைநூல்

எழுதி வைத்தான்! 

****

இடிபுரிந்து - மற்றவர்களுடைய கடுஞ்சொல்லைக் கேட்க நேர்ந்து.

எள்ளும்சொல் - மதிப்பிழக்கவைக்கும் சொற்கள்.

மடிபுரிந்து - சோம்பலைத்தன் சொத்தாகக்கொண்டு.

உஞற்றுஇலர் - முன்னேற வேண்டுமென்ற முயற்சி இல்லாதவர்கள்.

***

மானம்பாடி புண்ணியமூர்த்தி 

12.02.2018

எனதருமை செல்வங்களே...

மனிதப்பிறப்பு மகத்தானது, மண்ணில் தோன்றிய பிறஉயிர்கள் அனைத்திற்கும் மேலானது, இதை உணராது விலங்குகளைவிட கீழாக சிலர் வாழ்கின்றார்களே!

நாமென்ன அப்படியா? இல்லவே இல்லை!

சாதிப்போம் சரித்திரம் படைப்போம், முயன்றால் முடியாதது எதுவுமே இல்லை!

வெற்றிநமதே!

என்றும் உங்களுக்காக...

மானம்பாடி புண்ணியமூர்த்தி

#075/2018
05/03/2018
கவிக்குறள் - 0012 - இழிவும் பழியும்!
https://www.sigaram.co/preview.php?n_id=301&code=0bspcMYn
பதிவர் : மானம்பாடி புண்ணியமூர்த்தி
#திருக்குறள் #சிகரம் #sigaramco #கவிதை
#சிகரம்

எழுவாய் தமிழே!

எழுவாய் தமிழே!
தன்மையாய் முன்னிலை 
வகித்து-உந்தன்
படர்க்கை விரித்திடு!

இலக்கணம் வகுக்கத்தொல் 
காப்பியங்களும்
ஈரடியில்திருக் குறளும்,
நாலடியாய் பாக்களும்,

இன்பம்கொள்ள கலித் தொகையும்,
ஐந்திணை விளங்க நற்றிணையும் 
சிறிதுபெரிதென குறுந்தொகையும்,
ஐங்குறுநூறாய் பதிற்றுப்பத்தாய்

ஓங்கிஒலிக்கும் பரி பாடலுடன்
அகம் புறமென விரு
நானூறு பாவகையும்,
எத்தனை யெத்தனை
ஆற்றுப்படைகள் அம்மம்மா!

சிலம்புகளில் அதிகாரமாய்,
மணிகளில் கண்டேன்
மேகலைகள் அந்த
சீவகனுக்கோ சிந் தாமணி
எவர்க்கும்
வளையா பதியாய்
காதிருக் குண்டல கேசியெனும்

ஐம்பெரும்
காப்பியங்கள் அழகழகாய் 
எட்டுத்தொகை நூல்களும்
மூவாறுமேன் கணக்கு நூல்களும்
மூவாறுகீழ் கணக்கு நூட்களு மின்னும்

இயைந்ததெல்லாம் இலக்கியமாய் 
இடையிடையே இலக்கணமாம்!
அறம்வளர்க்க மொருநூலும்,
அகமுரைக்க வொருநூலும்,

மறம் வளர்க்க வொருநூலு மனி 
தமுரைக்க வொருநூலும்,
அடுத்த நற்கெல்லாம் இலக்கணங்கள் 
அனைத்தையு முரைக்கும் இலக்கியங்கள்,

மருத்துவ மென்றால்
அதிலுண்டு மாயப் புதுமை
அறிவியல் வெகுவுண்டு,
வானிலை சாத்திரம்
உலகுரைப்போம் நாங்கள்
வாழ்நிலை பக்தியை
யதில் வளர்ப்போம்!

அணுக்களின் நகர்வை யுரைத்திடுவோம்,
அண்டங்கள் கடந்து
படர்ந்திடுவோம்!
சிறகுகள் வேண்டாம்
விரைந்திடுவோம் சிந்தனை
யதிலே பறந்திடுவோம்!

#074 2018/03/05
எழுவாய் தமிழே!  
https://www.sigaram.co/preview.php?n_id=300&code=HKV1kXgh 
பதிவர் : கவின்மொழிவர்மன் 
#சிகரம் #தமிழ் #கவிதை #SIGARAM #SIGARAMCO #TAMIL #POEM 
#சிகரம்  

கவிக்குறள் - 0011 - நற்றுணையும் நற்செயலும்!

அதிகாரம் 66
வினைத்தூய்மை 

******

துணைநலம் ஆக்கம் தரூஉம் வினைநலம் 
வேண்டிய எல்லாம் தரும் 
(குறள் 651)

******

நற்றுணையும்
நற்செயலும்!

***

அறிவினில்
உயர்ந்தோர் தன்னை
அலசிநாம்
தேர்வு செய்து
நட்பதாய்க்
கொண்டு வாழ்ந்தால்
நமக்கென்றும்
குறையே இல்லை,

என்னுடை
வாழ்க்கை தன்னில்
இருபெரும்
நண்பர் வாய்த்தார்
சுப வீர
பாண்டி நட்பும்
கவிச்சுடர்
பித்தன் நட்பும்

இருவரின்
துணையி னாலே
இன்றுநான்
வெளியில் வந்தேன்
எனக்குள்ள
ஆற்றல் சேர்த்து
இயன்றதைச்
செய்யக் கற்றேன்,

நல்லதோர்
துணையி னோடு
நாமுமே
முயற்சி செய்தால்
முடியாத
செயலைக் கூட
முடித்துநாம்
வெற்றி காண்போம்,

வினையெனில்
செயல தாகும்
துணையெனில்
நல்ல நட்பாம்
இரண்டும்நம்
வாழ்வில் சேர்ந்தால்
எதிலுமே
வெற்றி யென்றான்!

*****

ஆக்கம் - வெற்றி, உயர்வு.

வினைநலம் - நற்செயல்.

*****

மானம்பாடி புண்ணியமூர்த்தி ,
22.02.2018.

#073   
2018/03/04
கவிக்குறள் - 0011 - நற்றுணையும் நற்செயலும்!    
https://www.sigaram.co/preview.php?n_id=299&code=uifxqTC3  
பதிவர் : மானம்பாடி புண்ணியமூர்த்தி   
#திருக்குறள் #சிகரம் #sigaramco #கவிதை  
#சிகரம்